زوجة لطيفة جداااااااا

هو: حبيبتي أنا حأطلب بيتزا، عايزة حاجة؟
هي: لا ياحبيبي
هو: اوكي
هي: ولاّ اقولك
هو: ها، أطلبلك كمان؟
هي: مش عارفة
هو: مش عارفة اذا كنتي عايزة؟
هي: لا
هو: انتي جعانة؟
هي: يعني
هو: يعني إيه يعني؟
هي: يعني مش متأكدة اذا كنت جعانة ولا لأ
هو: الواحد لما بيكون جعان بيعرف
هي: لأ بس يمكن اجوع بعدين
هو: يعني اطلب لك بيتزا؟
هي: طيب واذا ما كنتش جعانة وقتها؟
هو: ما تاكليش
هي: بس ده كدة يبقى تبذير
هو: خلاص، تبقي تاكليها بكرة
هي: واذا ما كانش لي نفس آكل بيتزا بكرة؟
هو: مش محتاجة نفس ، الواحد عادي ممكن ياكل بيتزا كل يوم
هي: انا لا.. أنا مش باكل بيتزا الا لما يكون عندي نفس للبيتزا
هو: طيب بلاش، أطلب لك حاجة تانية؟
هي: بس أنا مش عايزة حاجة تانية
هو: يعني عايزة بيتزا؟
هي: لا
هو: يعني مش عايزة حاجة؟
هي: لأ برضه
هو: جننتيني، طب أعمل إيه؟
هي: اطلب انت لنفسك
هو: الحمد لله، اخيرا.. ماشي
هي: بس اطلب بيتزا بالتونة
هو: نعم؟ انا مش بحب البيتزا التونة
هي: بس انا بحبها
هو: وانتي مالك؟ هو انا حاطلب ليا ولا ليكي
هي: ليك طبعا
هو: طيب أطلبها ليه بقى بالتونة؟
هي: يمكن اجوع لما يوصل الاكل
هو: وبعدين؟
هي: ياسلام، يعني تفتكر آكل حاجة مش عاجباني؟
هو: ليه هو انتي.. أصلاً.. عايزة تاكلي؟
هي: ليه لأ؟
هو: يامثبت العقل.. هو أنا حاطلب بيتزا لي, عشان احتمال انتي تاكليها اذا كنتي جعانة؟؟
هي: بالضبط
هو: وأنا بلاش آكل؟
هي: يمكن وقتها أكون مش جعانة
*******
ملاحظة
محكمة الجنايات قررت تبرئة الزوج من تهمة: قتل الزوجة مع سبق الإصرار والترصدوتحويل التهمة إلى: قتل الزوجة دفاعاً عن.. العقل
.

ههههههههههه مشكورة هلااااااااااااا

موضوع: مشششششكوره الثلاثاء مارس 18, 2008 10:55 am

زووووووووووووق حلو مششششششششكوره